陈百祥离开明星足球队另组「精装足球队」自揭原因及分别曾怒踢对赛球员惹热议

综合新闻 2024年11月05日 19:54 114 张宇真

陈百祥（阿叻）原是「香港明星足球队」一员，经常会随足球队到不同地方踢友谊赛，不过自阿叻于过往于比赛疑老羞成怒出脚踢对方队员，自从汕头作赛怒踢对手一幕惹起热议，阿叻都未有再现身，就连近日谭咏麟亲自带队出征天津，都无阿叻份。另一边厢，阿叻自组「精装明星足球队」，搵来马国明、林文龙、洪天明等人加入，表示希望可以将后生嗰班带上嚟，阿叻早前亦披露自己离队原因。

「香港明星足球队」已成立40周年，当初开立嘅原因係因为阿叻想整个演艺圈凝聚一起，阿叻指连梅艳芳都係其啦啦队队长，佢哋会将踢球所得嘅钱放进慈善基金帮助贫穷和有需要嘅人。又指，香港明星足球队队员都70几岁，唔会永远由佢哋踢落去，因而决定带第二队，训练艺人（踢到）到不同地方踢足球比赛，亦想观众有啲新面孔见吓。新队伍「精装明星队」包括马国明、洪天明、谢天华、陈展鹏及吴卓羲，每一个人大家都係认识。即使自己无小朋友未能一代一代地接下来，但宜家都可以承传落去：「咁所以我而家就係，承传返呢样嘢，好似而家咁，我拍戏，马国明我徒弟啦、黄宗泽我徒弟啦，上一次我嚟咗呢度之后呢，就係我最后一次踢香港明星足球队，谂下返去不如组一队叫精装明星队。」不过，阿叻提到自己都会与香港明星足球队练波、踢波，其实无太大分别。